Theme: Mudzimu u a vhulunga na u tsireledza kereke yawe misi yothe, kha nzulele dzothe/ God always preserves and protects his church, and in all circumstances.
Notes
Transcript
1. Mvulatswinga.
1. Mvulatswinga.
Ndi mini zwine ra vhona vha hashu sa kereke ri hune ra vha hone ri tshi sedza murahu? Ri khou vhona mini? Ndi mini zwine ra vhona ri tshi sedza phanda kha minwaha i daho? Ri khou vhona mini? U vhona ndi zwone zwine nne nda vhona i khaedu khulwane kha vhafunzi, kha vharangaphanda na mirado ya kereke dza kilasisi Gauteng nga tshifhinga tshine ra vha khatsho. Ra sedza hune ra bva hone, ra sa sedza hune ra vha hone na hune ra khou ya hone, ri a kona u amba nga ha kereke ine ra fanela u vha yone. Heyo senthara ndi yone ine nda vhona i si khou farelela nga mulandu wa vhuboboila ho no faraho na vharangaphanda vhune ha khou ri kundisa na u fhindula mbudziso dzi re phanda hashu namusi. Avha vhana vhe Mudzimu a ri fha vhone, vha sa divhi hune rine ra bva, vho bebwaho henefha, vha si tsha ambaho luambo lwashu, ri khou vha siela kereke de?
Vhahashu kha u elekanya hashu nga ha vhuvha hashu sa kereke nga tshifhinga hetshi ndo elekanya u vha ranga phanda nga tshipida hetshi tshe nda vhala. Bugu ya Mishumo ya Vhapostola i na zwinzhi zwine ya ri humbudza nga ha vhutshilo ha kereke na ndila ine ra fanela u vha ngayo kereke kha nzulele dzo fhambanaho dzine ra tangana nadzo vhutshiloni. Ndi bugui iri gudisaho zwinzhi nga ha kereke ya Vhaapostola na u ri sumbedza uri yo vha ha ni kereke hune na rine ra fanela u sedza khazwo. Ndi bugu ine ya ri fha kulavhelesele kwo fhambanaho na kune vha wana ri tshi khou shuma ri nakwo namusi. Kune ra vha nakwo ku ita uri ri tshi humbula vhutshilo ha kereke na zwine ya khou tangana nazwo ri ofhe uri matshelo hu hone na. Ku ita uri ri shavhe u dibadekanya na kereke nga zwifhiwa na thundu dzashu ngauri a huna mbuelo ine ra kona u vhona nga mato ashu. Kereke namusi i khou vhonala sa tshithu tshine tsha vha irrelevant na vhutshilo hashu sa lushaka. Zwothe zwine kereke ya imelela zwi khou latwa nga mafisitere na nga vhane vha vha nga ngomu ha kereke.
Hetshi tshipida tshe ra vhala tshi ri humbudza uri naho zwo ralo Mudzimu ndi ene a vhulungaho na u tsireledza kereke yawe misi yothe. U divha hei ngoho zwi ita uri ri si lavhelese ra guma kha nzulele dzine ra khou tangana nadzo, ri ise mato ashu kha Mudzimu. Ri ambe sa zwine Phisalema 89:10 ya ri: Wo pwashekanya Rahaba diragoni la lwanzhe, la vha khuvhabvu, wa balanganya maswina au nga tshanda tshau tsha maanda. Ndi lone fulufhelo line la fanela u tika kereke ya tshifhinga tshothe. Ndi lone fulufhelo line ra tea u fhata matshelo hashu khalo.
2. U dzika ha vhutshilo ha kereke na u tanganedzwa hayo nga vhathu a si zwone zwi kalaho mutakalo wa kereke/ Calmness in the life of the church and the embrace she receives is not the measure of the well-being of the church.
2. U dzika ha vhutshilo ha kereke na u tanganedzwa hayo nga vhathu a si zwone zwi kalaho mutakalo wa kereke/ Calmness in the life of the church and the embrace she receives is not the measure of the well-being of the church.
Kha tshipida tah u thoma tsha ndima ya vhutanu (vv.1-11) ndi he ra vhala nga ha swina la kereke la nga ngomu…muhoyo wa vhakriste we wa vhonala kha vhutshilo ha Anania na Safira. Mudzimu a u hatula nga lufu a tshi tsireledza vhutshilo ha kereke yawe. Kha tshipida tshe ra vhala ndi tshine tsha thoma nga u ri talutshedza zwe zwa vhonala kha vhutshilo ha kereke nga murahu ha u hatulwa ha Anania na Safira. Kha v.12 hu pfi vho vha vha tshi ita madembe manzhi na mishumo i kanukisaho vhathuni. Vhatendi vho vha vha tshi kuvhangana Lukumbini lwa Solomoni (Hafha ndi fhethu he vhadivhi vha Mulayo vha vha vha tshi tangana hone na matshudeni avho vha tshi gudisana nga Mulayo). Hezwi zwe Vhaapostola vha ita zwo disa zwithu zwivhili: ho vha na vhathu vhe vha si tende u dibadekanya navho, vha dovha vha takalelwa nga vhathu vhanzhi vhe vha vha khoda (v.13) . Ha dovha ha vha na vhathu vhanzhi vhe vha tanganedza Mune washu vha enegedza tshivhalo tsha vhafunziwa (v.14). Bvumo lavho la dadza Yerusalema na kha dorobo dza tsini he vha disa vhalwadze na vha re na mimuya mivhi uri vhafunziwa vha vha fhodze (vv.15-16). Mudzimu o vhonala a khou shuma nga vhathu vhawe vhe vha vha fhodza vhalwadze vhanzhi, nahone e Mudzimu a rwelaho henfho vhutshinyi sa zwe a ita kha Anania na Safira.
Ho vhonala maanda a Mudzimu kha kereke yawe a tshi shuma nga vhafunziwa vhawe. Ndi hei nzulele ine vhathu vha i toda na namusi vha tshi humbula nga vhutsilo ha kereke. Hone Luka u khou ri dzumbululela uri a si yone ndila ine ra tea u divha ngayo kereke na u kala mutakalo wayo ngayo. Ndi musi kereke i kha hei nzulele he ha vha hone u swika ha second wave ya u tovholwa ha kereke. Vhahashu hezwi zwi ri fha mato a u lavhelesa kereke. U takala ha kereke a huho kha u dzika na u takalelwa hayo nga vhathu, maanda a kereke a nga a tie ane ra vhona maanda na mudifho wayo musi yo dzheniswa kha madi a u fhisa. Hezwi vha hashu zwi tea u ri shandukisa kulavhelesele kune ri nakwo ra lavhelela u takala ha kereke nga u tanganedzwa hayo nga vhathu na shango. Kulavhelesele hoku kwo dzindela kereke dza hashu hune ri si tode u vhudzana ngoho nga u shavha u pwashana na u nga kereke i do fa. Ri si takalele u tanganedza uri hune mafhungo madifha a ambiwa hu bvelela zwigwada zwivhili zwo pinelanaho sa zwine Mune washu Yesu a ri: Ni songo ri ndo dela u ladza shango; a tho ngo dela u ladza shango, ndo disa pfumo. Ndo da u lutanya khotsi na nwana, nwannyana na mme, mazwale na mazwale. Muthu u do itwa swina nga vha muta wawe (Mateo 10:34-36). Ndi hei nzulele ine ra tea u kala mutakalo wa kereke ngayo.
3. Mudzimu ha nga litshi u vhulunga na u tsireledza kereke yawe kha nzulele dzothe/God will never fail to preserve and protect his church in all circumstances.
3. Mudzimu ha nga litshi u vhulunga na u tsireledza kereke yawe kha nzulele dzothe/God will never fail to preserve and protect his church in all circumstances.
Mushumo wa vhudi we vhafunziwa vha vha vha khou ita wa u fhodza vhathu wo vha wone wo itaho uri tshifhe muhulu na vha tshigwada tsha Vhasadukei vha dzhenwe nga vivho lihulu (v.17). Zwivhuya zwo fhindulwa nga u dadzwa ho dalaho nga vivho na u nyala kha vharangaphanda vha lushaka vha tshi lavhelesa kereke ya Mune washu. Hezwi ndi zwe zwa itea na kha ndima ya 3 musi Pitirosi na Yohane vha tshi fhodza munna we a bebwa e tshihole. Ndi zwine zwa khou itea na henefha. Havha vhe vha dala vivho vha tshi lavhelesa kereke a si vhathu zwavho. Tshifhe muhulu ndi ene murangaphanda wa vhurereli ha Majuda. Vhasadukei ndi tshigwada tsha vhathu vhe vha vha vho pfuma, vha na vhupfiwa na maanda kha u vhuswa ha lushaka. A si vhathu zwavho vhane vha khou lavhelesa kereke nga vivho. Vho no vha dzivhisa kha 4:17 hone vhafunziwa vha si fhumule u vha thanzi dza mafhungo madifha. Zwi khou dovha hafhu na henefha he nahone vha si tende u fhumudzwa, vha kondelela u amba mafhungo madifha. Ndi zwone zwe Yesu Kristo a vha lugisela zwone uri nge a vha vhidza, a vha ita vhawe, a vha tsha vha vha shango, a vha tsha lavhelesa zwithu sa shango. Vha fanela u lavhelela u vhengwa nga shango (Yohane 15:19). Ndi zwone zwo itaho uri vha vha fare vha vha valele dzhele vha na muhumbulo wa u vha vhulaha uri hezwi zwe vha imelela zwone zwi si tsha do vha zwa pfala, zwi wele fhasi. Ndi hone vhurumiwa ha vhathu vha lwaho na kereke. Kereke i fanela u ditalutshedza tshifhinga tshothe nga ngomu ha heli vengo li bvaho kha vhathu vha landulaho zwivhuya zwa Mudzimu. Ndi zwone na zwine sa kereke vha tshi sedza murahu sa kereke vha zwi vhona khavho? Vho zwi fhindula ha ni? Zwine nne nda khou vha humbudza ndi zwauri kereke i fanela u ditalutshedza nga ngomu ha hei nndwa ngauri yo fara zwo fhambanaho tshothe na shango. Ndi nndwa ine ya do i lwa u bva nga ngomu na nga nnda. Nga ngomu hu na muhoyo wa vhakriste u no nga wa Anania na Safira, nga nnda hu na vha maanda a politiki na ikonomi vhane vha toda u fhumudza kereke u bvuledza zwe ya vhidzelwa zwone. Ndi zwishumiswa zwine Sathane a zwi shumisa u vhulaha kereke tshifhinga tshothe. Ndi mini tshine vha tshi sedza murahu vha vhona tsho tshimbila tshi tshi shela mulenzhe kha u nyadzwa ha vhutanzi havho sa kereke? A thi vhoni ro vha na maswina manzhi u bva nga nnda, swina lo vhaisaho kereke dza hashu ndi muhoyo washu sa vhatendi u bva nga ngomu. Kha vha sedze vhutshilo ha vharangaphanda vhashu, ha mita ya kereke, kualusele kwa vhana vhashu, kutshilele kwa vhaswa vha hashu, ndila ye ra ita ngayo vhurumiwa. Vhukati hashu hu na vhane vha nga takala arali vhurumiwa ha si tsha ambiwa nga hao.
Vhahashu zwine hetshi tshipida tsha ri khwathisa khazwo ndi zwauri naho kereke ya swika hafha hune ya tshimbila sa khuvhabvu, Mudzimu u a i tsireledza na u i vhulunga. Li fanela u vha lone fulufhelo lashu la u sedza phanda. Mudzimu o dzhenelela kha hei kereke ye ya vha i khou tambudzwa, yo bvalelwa dzhele vha tshi humbula uri vho fhedza ngayo. Kha v.19 hu pfi Mudzimu a ruma murunwa wawe, a vha bvisa dzhele, a vha vhudza a ri: Iyani thembeleni ni funze vhathu zwa vhutshilo hovhu vhuswa (v.20). Mudzimu ha nga dzuli a si na thanzi naho zwa vhifha ha ni, naho ha duga mulilo. Muhoyo wavho sa vhatendi, sa vharangaphanda vha kereke, maanda avhane vha vha na ikonomi na politiki ha nga koni u pwanyeledza pulane dza Mudzimu. Ndi zwithu zwine zwa tea u ri fhumudza ri tshi sedza phanda sa kereke. Vhutungu vhu do vha hone, u nyadzwa hu do ha hone, hone nga u divha zwine Mudzimu a vha zwone ri fanela u amba sa Paulo a tshi ri: Ri dinetisa ri tshi dipalela nga rothe nga zwanda zwashu hezwi,. Vhane vha ri sema ri a vha shudufhadza; na u tovholwa hashu a ri fheli mbilu; vhane vha ri tshinya madzina ri a vha fhindula nga vhulenda. Ri vho nga mathukhwi a shango, vhothe vha vho ri ita malambelo na namusi (1 Vhakorinta 4:12-13).
Mudzimu ho ngo dzhenelela kha nzulele ya vhaapostola nga murunwa fhedzi. Musi vhe phanda ha khoro vha saathu na u diambela ho takuwa Gamaliele a vha ambela a tshi tsivhudza vhathu vha hawe uri vhabthanyele u vha vha khou lwa na Mudzimu. Kha vha litshe havha vhathu vha lavhelese uri zwi do fhelela fhi. ndi ndila ine Mudzimu a lwela ngayo vhathu vhawe. Ndi zwine ra hum budziwa kha Mateo 10:19 hune ha pfi: Hone musi vha tshi ni hwelela ni songo la mbilu nga zwine na do amba. Zwine na do amba ni do newa tshenetsho tshifhinga. Mudzimu ha litshi vhana vhawe, u tshimbila navho kha nzulele dzothe. ndi zwone zwine zwa fanela u vha fulufdhelo lavho la u sedza phanda na kha minwaha i daho uri Mudzi u u do vha na kereke yawe.
4. Nzulele dzi kondaho dzine kereke ya tangana nadzo dzi bvula zwikhala zwa u tanziela zwine Yesu a vha zwone/Difficult circumstances facing the church provides the church with new opportunities to witness the gospel of Jesus Christ.
4. Nzulele dzi kondaho dzine kereke ya tangana nadzo dzi bvula zwikhala zwa u tanziela zwine Yesu a vha zwone/Difficult circumstances facing the church provides the church with new opportunities to witness the gospel of Jesus Christ.
Vhahashu zwine nne nda khou toda u kovhana nazwo kha hetshi tshipida ndi u vha humbudza uri musi Mudzimu a tsio ri vhea kha nzulele dzi kondaho u vha a tshi khou ri vulela mavothi a u vha thanzi dza Mune washu. Hune kereke ya vha i khou fhira hu kondaho hu vha ho bvulwa zwikhala zwa u tanziela mafhungo madifha. Paulo a tshi amba nga u bvalelwa hawe dzhele na tshivhidzo tsha Vhafilipi uri: Vha hashu, ndi funa ni tshi divha uri zwe zwa nngwela zwo do ita uri mafhungo madifha a nane u bvela phanda (Vhafilipi 1:12).
Musi vhe phanda ha khoro ya Sanhedrini vho dzumbulula uri a vho ngo dilugisela u thetshelesa vhathu naho vhe na maanda ma nga fhani, vho dilugisela u thetshelesa Mudzimu. A vho ngo sedza kha vhone vhane na vhutshilo havho. Vho sedza kha Mudzimu we a vha vhidza nahone vha vhona o fanelwa nga u nekedzwa zwithavhelo zwa vhutshilo havho na nga u fa arali zwi tshi do swika henefho. Henefho phanda ha khoro vho dzumbulula uri Yesu ndi nnyi hoyu ane vha khou tambulela ene. Vho mu kwamanya na Mudzimu wa vhokhotsi avho Aburahamu, Isaka na Yakopo. Ndi ene o mu vusaho vhafuni musi vhenevha vha khoro yenei vho mu vhulaha nga u mu vhamba kha danda (v.30). Vhoiwe no mu lata, Mudzimu a mu tanganedza. A vho ngo timatima u bvisela hei ngoho khagala naho vho vha vho livhana na lufu. Vho dovha hafhu vha sumbedza uri hoyu Yesu we vhoiwe na mu lata, Mudzimu o mu ita Murangaphanda na na Mutshidzi uri vhathu vha Isiraele vha hangwelwe vhutshinyi (v.31). Ndi ene we Mudzimu a mu imisa uri a range phanda vhathu vhawe, a vhuedzedze vhashaka havho na Mudzimu nga u vhahangwela vhutshinyi. Ho vha u tanziela phanda ha hei khoro uri a huna linwe dzina line lushaka lwa Isiraele lwa nga kona u tsidzwa nga lo nga nnda ha dzina la Yesu we vha mu landula. Ndi ene we a vhewa kha vhuimo ha maanda a u disa u tshila ha lushaka lwa Isiraele. Vho swiisa haya mafhungo madifha vhe vhutunguni, vho livhana na lufu. Vha dovha hafhu vha khwathisa uri vhone na Muya Mukhethwa vha thanzi dza hezwi zwithu. A si zwavho vhe vhothe, na Muya Mukhethwa u khou tanziela ngavho.
Vha hashu na rine arali ra disedza zwavhudi, ra shumisa tshikhala tshine ra vha khatsho ri do vhona uri hu na zwithu zwe ra tshimbila khazwo ri sa pfi Mudzimu. Ri songo ofha u lavhelesana matoni ra kaidzana khazwo ri sa lavhelesi kha rine vhane ri tshi khou sedza kha Kristo we a ri fha vhutshilo na u ri ita vhathihi na Mudzimu nga u ri hangwela vhutshinyi. Kha ri vhe vhathu vha sedzanaho matoni, ri vhudzane ngoho nga lufuno, ndi hone ri tshi do fhata kereke ya Mune washu. Kha ri bve kha zwitshele na u solana, ndi muhoyo u pwashaho kereke ya Mune washu. Kha ri vhudzane ngoho sa vhanna na vhafumakadzi, sa vhabebi na vhana, sa vharangaphanda na tshivhidzo. Ndi hone ri tshi do fhata tshivhidzo tsha Mune washu.
Ri songo ofha nzulele dzi kondaho dzi a shanduka dza vha zwikhala zwine ra kona u tanziela mafhungo madifha ri tshi bnva khazwo.
5. Kereke i fanela u zwi tanganedza sa khuliso khulwane u tambulela Mune washu Yesu Kristo/. The church should consider it a great honor to have a share in the suffering of our Lord Jesus Christ.
5. Kereke i fanela u zwi tanganedza sa khuliso khulwane u tambulela Mune washu Yesu Kristo/. The church should consider it a great honor to have a share in the suffering of our Lord Jesus Christ.
Zwinwe zwine hetshi tshipida tsha ri funza nga vhutshilo ha kereke ya Vhaapostola ndi zwauri ri tea u tanganedza ha ni u tambulela Mune washu Yesu Kristo. Hezwi ndi zwine ra zwi vhona kha v.40-41 hune ha pfi: Ndi hone vha tshi vhidza Vhaapostola vha vha rwa vha vha vhudza uri vha songo tsdha amba nga ha Yesu, vha ralo vha kona u vha vhofholola. Vhaapostola vha tuwa khoroni vho tou takala nge Mudzimu a vhona vho fanelwa-vho nga u rwelwa Yesu. Vho zwi vhona sa u nekedzwa tshiphuga nga murahu ha mbambe. Vho zwi vhona sa zwithu zwi vha itaho vhathu vha ndeme. ndi Ipfi lo shumisiwaho hu tshi ambiwa nga ha khuliso i ewaho vhalisa vho lisaho sambi la Mudzimu zwavhudi (1Tim.5:17). Vho ita zwe Yesu a ri vha ite vha tshi tovholiwa kha pfunzo yawe ya thavhani. Vho takala vha pembelea nga u divha mukovhe wavho u re tadulu.
Kereke vha hashu yo di vha ya u tambula kha divhazwakale yayo, i kha ditambula na namusi. Yo tambudziwa nga tshifhinga tsha Vho Nero (54-68 AD) tshifhinga tshe vhopaulo na Vho Pitirosi vha fa ngatsho. Vhatendi vho dibvela phanda nau sa tenda u hulisa mahosi u fhira Mudzimu, nahone vha tanganedza mutengo wa u lwa na mahosi na vhavhusi vha shango. Kereke na namusi i kha ditambula. Kha vha do sedza u tambudzwa ha bono lashu nga muhoyo washu sa vhatendi. Gauteng hu khou aluwa, kereke dzashu dzi kha di vha dzo dzula sa zwitasana.
Naho zwo ralo vha hashu ri khou tutuwedzwa u sa ofha ri tshi sedza vhumatshelo ha kereke, i do vha hone. Tertullian a tshi ambanna muvhuso wa Roma o ri: Kill us, torture us, condemn us, grind us to the dust....The more you mow us down, the more we grow; the seed is the blood of Christians. Vho Bishop Festo Kivengere vha tshi pembelela u vhulahelwa fulufhelo ha Archbishop Janani Luwun vha Uganda nga February 1979 vho ri: Without bleeding the church fails to bless.
Ri songo ofha nndwa dzine dza vha hone vhukati hashu. kereke i do vha hone. Kha ri kondelele.
6. Mafhedziselo.
6. Mafhedziselo.
Vhahashu hune vha vha hone vha fanela u dzhia tshitoko. Ndi mini zwine vha vhona khavho sa kereke? ndi zwi vha fhaho fulufhelo nga ha matshelo hune vho lavhelesa hone? Vha songo tovhowa, kereke i na Mune wayo ane a do i tshimbidza nga vhathu vhawe. Vhone vha nga di vha vhe siho matshelo, vha nga dilitsha, hone kereke a i nga weli fhasi. ndi tshone tshilidzi tshihulwane tshe Mudzimu a ri itela. Zwothe ndi zwawe u zwi shuma nga ndila yawe, rine ri tou vha zwishumiswa zwandani zwawe. Kha ri tende a ri shumise. Ri sa tendi u a kona u ri imisela dubo.